Hátæknisetur Íslands ses - Hátæknisetur Íslands

Hátæknisetrinu er ætlað að auka og byggja upp fjölbreytni á sviði efnistækni s.s. þróunar, smíði og hönnunar og verða vettvangur annarra þróunar- og samstafsverkefna í rannsóknum og atvinnuuppbyggingu í Skagafirði.

Hlutverk hátækniseturs er að taka þátt í og/eða útvega tæki, þekkingu, menntun, fjármuni eða þróunarverkefni til eflingar efnistækniiðnaði á Íslandi. Skipulögð verða verkefni sem byggja upp þekkingu og færni á völdum sviðum og þau unnin í samvinnu við fyrirtæki og stofnanir.

Verkefnastefna HTÍ

Hátæknisetur Íslands SES verður vettvangur þróunar og samstarfsverkefna í rannsóknum og atvinnuuppbyggingu í Skagafirði. Setrið verði áfram sjálfseignastofnun. Umfang setursins verði í samræmi við verkefni þess á hverjum tíma og starfsmenn einungis ráðnir inn tímabundið til að sinna skilgreindum verkefnum á þess vegum ef stjórn setursins metur þörf á því. Fjármögnun setursins verður eingöngu miðuð við stök verkefni hverju sinni og mun Setrið sækja um styrki í sjóði, sem og til stofnanna, fyrirtækja og opinberra aðila til að fjármagna þau verkefni sem það tekur þátt í í samstarfi við aðra aðila. Áfram mun öðrum stofnunum og einstaklingum sem áhuga hafa á gefast tækifæri til vinna undir merkjum HTÍ til að koma á fót verkefnum með nafni setursins.

Verkefni HTÍ

a) FAB-LAB á Sauðárkróki

Að standa fyrir kaupum og fjármögnun á tækjum fyrir FAB-LAB stofu á Sauðárkróki. Samið verður við Nýsköpunarmiðstöð Íslands og Fjölbrautarskóla NV um rekstur og starfsemi stofunnar.

b) Trefjagarðar

Hátæknisetur Íslands vinnur að framgangi verkefna er tengjast hugmyndum um trefjar í Skagafirði. Með hugmyndinni um trefjagarða er átt við samþættingu, uppbyggingu og þróun þekkingar sem skapar grunn fyrir framþróun í kringum framleiðslu margskonar trefja og notkun þeirra í iðnaði og annarri framleiðslu.

Hlutverk setursins verður m.a. að stuðla að og tengjast eftirtöldum þáttum undir heitinu trefjagarðar:

Nám í trefjasmíði þar sem unnið verður með skólastofnunum s.s. Fjölbrautarskóla Norðurlands vestra að uppbyggingu sérhæfðs náms á sviði efnistækni og trefjasmíði.

Basalttrefjavinnsla og framleiðsla þar sem gerðar verða tilraunir og eða tekið þátt í verkefnum sem stuðla að framleiðslu á basalttrefjum og framleiðsluvörum sem afurðir út þeim.

Önnur trefjavinnsla og framleiðsla þar sem tilraunir verða gerðar og eða tekið þátt í verkefnum sem stuðla að framleiðslu á vörum úr trefjum s.s. koltrefjum og glertrefjum.

Að stuðla að tilurð smíðavers með helstu áhöldum og tækjum sem nýtast til smíða á frumgerðum úr trefjum og til minniháttar framleiðslu þar sem því verður við komið. Í smíðaverinu verður einnig möguleiki á að kenna helstu smíðatækni trefja og iðnhönnun úr trefjaefnum.

Trefjagörðum er einnig ætlað að auka möguleika Íslands við að laða að fjárfesta í framleiðslu trefja, þar á meðal koltrefja, glertrefja og basalttrefja

01. nóvember 2009 - kl. 11:09

Breyttar áherslur - ný stefna

Stjórn Hátækniseturs Íslands ses hefur ákveðið að breyta stefnu setursins og kemur ný stefna HTÍ fram hér til hliðar á heimasíðu setursins. Jafnframt hefur Þorsteinn Broddason látið af störfum sem framkvæmdastjóri HTÍ og hafið störf hjá Nýsköpunarmiðstöð Íslands á Sauðárkróki. Eru Þorsteini þökkuð góð störf í þágu HTÍ.

HTÍ mun einbeita sér að verkefnabundnum verkefnum í samstarfi við aðra aðila, fyrirtæki og stofnanir sem falla að skilgreindum markmiðum HTÍ. Ekki verður fastur starfsmaður í starfi hjá HTÍ.

MEIRA

24. maí 2007 - kl. 10:40

Góður árangur starfsmanns HTÍ

Nýlega hlaut Gunnar Sigurðsson, starfsmaður Hátækniseturs Íslands, styrk frá Stanford háskóla til doktorsnáms í rafmagnsverkfræði. Styrkurinn er sem nemur skólagjöldum og uppihaldi. Lítill hluti þeirra sem hefja nám við Stanford hljóta styrk af þessu tagi og honum fylgir því mikil viðurkenning. Stanford háskóli er meðal fremstu háskóla heims á sviði verkfræði og tækni og námið verður því mikil lyftistöng fyrir Gunnar og Hátæknisetrið. Gunnar hefur unnið að þróun fasalæsts magnara hjá Hátæknisetri Íslands síðastliðin tvö sumur, að hluta til í samstarfi við Nýsköpunarsjóð námsmanna.

MEIRA

08. desember 2005 - kl. 17:28

Hátæknisetur á Sauðárkróki fær styrk

Fjárlaganefnd Alþingis leggur á fjárlögum næsta árs að undirbúningur að stofnun Hátækniseturs á Sauðárkróki verði styrktur um 4 milljónir króna. Formaður Fjárlaganefndar, Magnús Stefánsson, segir þetta viðleytni til að styrkja nýsköpun á landsbyggðini.

MEIRA

23. júní 2005 - kl. 13:28

Áfram verði unnið að Hátæknisetri

Á fundi atvinnu- og ferðamálanefndar Svf. Skagafjarðar í gær var farið yfir framhald verkefnis um uppbyggingu hátækni-seturs á Sauðárkróki og skýrslu Sveins Ólafssonar eðlisfræðings um skipulag og hugmyndir til nefndarinnar.

MEIRA

ELDRI FRÉTTIR